Rentréz ! N’ayéz pa pour, o cheùrat pa su vous,
Vous y aréz ménme pa fréd quant vous yi seréz trtouts :
Vous, lés petits biguenallous, nijhassous, neùtrolous,
Jharassous, pitalous, arçhinous, malénous,
Venéz vous sacàe den ma chançun.
Tàe qu’as trjhou marchai, é pa jhéndu la chance,
çh’as jhamae aghu ta foto den Paris-France,
çh’as étai su le jhornal que le jhour que t’as meùrghu,
Tàe qu’o n-étét pu cas, tàe qu’i yi sunjhiun pu,
Vén dun te sacàe den ma chançun.
La chéne au bout d’ine chaene, é la muséte en téle
Qu’o y avét la boutélle de vieù rapai de prunéles,
Vous lés draules de bistrots, lés besots, lés petits jhénes, (...)
